Verbum

РЭ́ЙНАЛЬДСА ЛІК, Рэйнальдса крытэрый,

безразмерная фіз. велічыня, якая характарызуе цячэнне вязкай вадкасці і роўная адносінам сіл інерцыі да сіл вязкасці. Вызначаецца формулай Re = ρνl/μ, дзе ρ — шчыльнасць вадкасці, ν — характэрная скорасць (напр., скорасць патоку вадкасці), 1 — характэрны памер (напр., дыяметр трубы), μ — каэф. вязкасці вадкасці. Названы імем О.​Рэйнальдса. Гл. таксама Падобнасці тэорыя.

т. 13, с. 565